Grenzenlos

Wann i so nochdenk, kenn i s  glei,
dass oiss sei Grenz hat – wirkli woahr !
Und grenznlos auf dera Wejt
is nix – ned moj as Meer sogoar…
 
Da Berg heart drobm am Gipfe auf,
de Lända, Städt, as Dorf, de san
moj goar – es fangt wos andas o…
Ob’s  Wejtall unendli sei kann?
 
Zwar riesig, doch  es is wo goar
und s Nix geht irgndwo dann her…
Im Mikrokosmos gibts  a Grenz –
des zun vasteh, is ziemli schwer.
 
Doch hojt – do fojt ma ei – da Mensch -
bei dem, do woaß i s fast scho gwieß,
bei dem konn ma beweisn, dass
de Dummheit oft unendli is…

Anmerkung: Ich zähle mich gnadenlos dazu...