Sommahitz

Und morg friah, do kimmt sie wieda.

Ja, schee langsam werds ma zwida,

und des Luada werd no imma...

schlimma.

 
Geh beim Dog jetzt kaam no naus.

Omds do hängt ma d' Zunga raus.

Ja, schee langsam wer i bled...

mogs ned.

 
Naa - i werd mi nia dro gwohna,

kannt uns langsam jetzt vaschona.

Oalles jammad Malefitz...

Sch... Hitz!

 
Bloß es stöhnt aa wieda Jeda,

noch a poar Dog greislig Weda,

weil mia des ja aa ned meng...

zvui Reng!

 
Drum nimm's Weda so wias is,

mach damit ned sovui Gschieß!

Wenn ma gor koa Weda häd...

aa bläd !!??

Ingrid Höft
Juli 2011





Man soll sich ja bei der Hitze nicht anstrengen,
deshalb habe ich versucht mit wenigen Worten jeweils in der 4. Zeile
auszukommen.