Paul Rudolf Uhl
Oktober
Ja, da Summa der is umma !
Schnej is ganga - ned zun glaum !
Wer no Bodn wuj, der hat Kumma:
Koit weards – aus – vobei da Draum !
Des geht bloß no in Italien
oda drunt in Griechnland.Z Deitschland bliahn de letztn Dahlien,
und Du brauchst a dickas Gwand.
Spat geht oft da Newe wegga:
manchmoi erst am Nomiddog !
Schnej weard s Nacht – s is zun daschrecka -
Wos i aa ned so gern mog...
Zwar wer(d)n d Baam iatz schee und gojdn,
des is, wos mi richti gfreit...
Nimm dein Anorak, dein ojdn,
geh ma Wandern, Frau, sei gscheit !
Hirgst is kemma, wia a jeds Joahr.
Ändan konn ma do nix dro...
Gschwind vageht de Zeit, des is woahr !
Bloß des oane macht mi froh:
Noch m Winta kimmt da Auswärts
und s weard wieda woarm und schee...
Jammad ned und mach an kloan Scherz,
`s wead scho wieda weida geh...
P.U.24.10.01
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 07.10.2015.
- Infos zum Urheberrecht / Haftungsausschluss (Disclaimer).