Z friedn sei

 
Wer zfriedn sei ko*, der lebt im Glück!
De Zfrie’nheit is a Moastastück,
des wirkli ned a jeda ko.
Denk nach! – Ja gej - des is a so !?
 
Denn wer nia zfriedn is in seim Le(b)m
und sich ned recht bescheidn ko
- ko dir koan anda Rat ned gebm –
der is im Le(b)m doch recht arm dro…
 
   * kann     
 
Glück
 
As Glück konn leicht ma definiern:
Des is, wo’s  Unglück grod ned is…
Und geht dir des dann moi ins Hirn,
konnst glückli sei, des is ganz gwieß !