Reiner Mayr
Danke, liabs Schutzengerl
Liab's Schutzengerl
Mei Schutzengerl is neilig wieder um mi rumgflong
und hot mer gsagt, bist wieder leichsinnig gwen, de letzte Zeit,
wenn so weitermachst, bist für de letzte Reise bald bereit,
woast, früher, wo no jung warst, warst no leichter, jetzt wirst mer bald zu schwer
und in Himmi nauflfiang mit Dir, des schaff i o bald net mehr.
Na ja, hob i gmount, liab's Schutzengerl, hauptsach net nunter in de Höll,
des tuast mer sicher net a, do loßt mi net nunterfalln, gell, des geht mer fei z'schnell,
i brauch Di scho no a bisserl und i pass ab jetzt o besser auf mi auf,
aber wenn i doch amol im Himmi bin, dann dank i Dir für Dei Liab zu mir,
immer hob i gwußt, Du bist irgendwo bei mir, i dank Dir für all die schönen Zeitn,
so a Schutzengerl wie Du, soll alle Menschn stets begleitn.
Die Rechte und die Verantwortlichkeit für diesen Beitrag liegen beim Autor (Reiner Mayr).
Der Beitrag wurde von Reiner Mayr auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 24.09.2020.
- Infos zum Urheberrecht / Haftungsausschluss (Disclaimer).