SAFARI

                                      SAFARI Kurzgeschichte in Koblenzer Mundart
                                       (aus meiner Büttenrede an Karneval 1964)

...änd hä dat glauft mir jo käiner: Do treff ich neilich am Bahnhoff dä Sturms Pitter. Dä hätt een Trobehoot angehat un en Trobeanzoch. "Wat is dann mit dir? wo giehst dau dann hin?" Hän ich den gefroht. "    Ich fahr no Afrika, Affe fänge," säht dä zo mier. "Un wofür  is dat good?" "Jo die giff ich dann in de Zoo on in de Zirkus, gitt good Pulver!" "Kannste net noch eine brauche"? "Von mir aus, kannste mitfahre." Also sin ich mit em no Afrika. Mir hän en gruuß Netz ge hat un en Schäferhond. No na lange Fahrt wore ma in dä Dschungel angekomme on do wor en gruuße Baum vuller Affe. Dä Pitter on ich han dat Netz uffgespannt rond um dä Baum. Dann drickt er mir en Knarre in die Hand un säht:" Jetz pass e mol off!" Er krabbelt off dä Baum on hät geschüttelt. Eine Aff is ronner gefalle, dä Schäferhond hät em in de Sack gebisse on dä Aff is fuhr lauter Schreck in dat Netz erinn gehüppt. So ging dat als weiter. Ich han dem ganze zogeguckt on dann han ich däm Pitter zogeroofe:"Äh, wat soll ich dann mit dem Gewehr?"
"Wenn ich runnerfalle sollt, scheeß jo dä Hond duut!"