Globalisierung 3

Globalisierung?               Grandtln…
 
De Dog is mia a Werbeprospekt vo da EDEKA ins
Haus gfladdad. Do bietn se â:
 
Mango aus Brasilien,
Zuccini und Broccoli aus Spanien,
Heidelbeern aus Chile,
Orangen aus Griechnland,
Debreciner aus Ungarn,
Spitzpaprika aus Marocco,
Schwammal aus Südkorea,
Ananas aus Honduras,
Schinken aus Südtirol…
Christbaam aus Schweden  und
an Kaas aus da Schweiz und Holland
 
Zum Glück hob i no glesn, dass Äpfe und
Chicoree aus Deitschland kemma…
Wo da Fisch herkimmt,  ham’s ned gsogt –
i konn grod hoffn, dass er ned aus Japan kimmt, weil
der kunnt radioaktiv sei…
Und Hirschgulasch aus Neuseeland…
 
Mia is scho kloar, dass Südfrüchte ned bei uns
wachsn und importiert wer’n  miassn. Zitrona und
Banana san scho oiwei aus Italien kemma…
Einheimische Christbaam gibt’s doch aa gnua,
miaß ma de vo Schwedn kaffa?
Und dass ma Lebnsmittl über 10.000 km
herschaffn muaß – des kost doch Gejd und
macht Schadstoffe frei…
Naa, naa, i woaß ned…
 
Da Kaas aus da Schweiz- des is scho OK, aber
dann hob i no glesn, se vakaffan aa Jungbullensteak
aus dem Entrecôte - is des übahaupts a EU- Land?   (;-))          
 

• Autorensteckbrief (Infos & weitere Beiträge)
• paul-uhlweb.de (Spam-Schutz - Bitte eMail-Adresse per Hand eintippen!)
• 3 Leserinnen/Leser folgen Paul Rudolf Uhl

  Paul Rudolf Uhl als Lieblingsautor markieren

Diesen Beitrag empfehlen:

Mit eigenem Mail-Programm empfehlen